كيف تصل الى مودرن اكاديمي من داخل ومن خارج القاهره - كليه الهندسه و كليه نظم ومعلومات وشؤون الطلبه

السلام عليكم ورحمه الله وبركاته

اخواني واخواتي بما اني اتبهدلت على ماوصلت مودرن اكاديمي كليه الهندسه

وفيه كتير هيتبهدلو لان المنظقه جديده وماحدش عارفها

فأنا هشرح ليكم ان شاء الله ازاي توصل لمودرن اكاديمي كليه الهندسه + نظم ومعلومات + المقر الرئيسي وشؤون الطلبه

اولا شؤون الطلبه

انا هشرح ليكم اولا من داخل القاهره
1: اركب ميترو ... انزل محطه المعادي ومن هناك اركب مايكروباص نازل منطقه ( صقر قريش )

ولما تركب مايكروباص صقر قريش ابقا قول للسواق نزلني عند مودرن اكاديمي

من خارج القاهره

1 : هتركب اي مواصله للدائري
2 : هتطلع فوق وتركب اي مواصله للمرج
3 : انزل الكوبري واركب مترو
4:انزل محطه المعادي
5: انزل واركب مايكروباص نازل منطقه ( صقر قريش )وقول للسواق مودرن اكاديمي

انت كده وصلت

دلوقتي اشرحلك ازاي توصل مودر اكاديمي كليه نطم ومعلومات من داخل القاهره

في طريقين
الاول
1: اركب مترو
2: ازل محطه المعادي
3: اركب مايكروباص نازل منطقه صقر قريش واوصل معاه للاخر
4: خد مايكروباص نازل القطاميه وقول للسواق مودرن اللي عند ( كارفور ) وهتلاقي نفسك عند كليه نظم

الثاني

1: اركب اي مواصله توصلك للسيده عائشه
2: اركب مواصله للقطاميه
3: قول للسواق مودرن اللي جمب كارفور

من خارج القاهره للوصول لمودرن اكاديمي كليه نطم ومعلومات

1: اركب للدائري
2: اركب مايكروباص لـ ( موقف العاشر )تمام
3 : ادخل الموقف جوا او اسأل عن اي مايكروباص نازل حلوان
4 : اول ماتركب قول للسواق نزلني عند مودرن اللي جمب كارفور

ودلوقتي شرح طريقه الوصلو لمودرن اكاديمي كليه الهندسه

من داخل القاهره

ودي برضو ليها طريقين شوف الاسهل ليك واتكل على ربنا

الاول
1: اركب مترو
2: ازل محطه المعادي
3: اركب مايكروباص نازل منطقه صقر قريش واوصل معاه للاخر
4: خد مايكروباص نازل القطاميه وقول للسواق نزلني عند ( المثلث ) ركز المثلث
5: هتنزل هناك وتقف اي باص او مايكروباص معدي قدامك اركب
وهتلاقي نفسك قدام كليه الهندسه ولو انت في اعدادي قول للسواق نزلني الملحق

الثاني

الاولا
1: اركب مواصله للسيده عائشه
2: ازل واركب مواصله لـ القطاميه
4: وقول للسواق نزلني عند ( المثلث ) ركز المثلث او بنزينه وطنيه
5: هتنزل هناك وتقف اي باص او مايكروباص معدي قدامك اركب
وهتلاقي نفسك قدام كليه الهندسه ولو انت في اعدادي قول للسواق نزلني الملحق


من خارج القاهره

1: اي مواصله للدائري
2: انزل موثف العاشر
3: اركب مواصله حلوان
4: قوله نزلني عند المثلث
4: لما تنزل عند المثلث اي مايكروباص او باص معدي اركب معاه وهتنزل كليه الهندسه
5: لو انت في اعدادي قول للسواق نزلني عند الملحق

كده ان شاء الله الملعومات كلها وصلت

واي استفسار او سؤال عن كيفيه الوصلو
ضع رد بذالك وان شاء الله نشوف ليها حل ونوصلك

والسلام ختام

قصتي مع مودرن اكاديمي .

قصتي مع مودرن اكادمي ( كليه الهندسه )

بسم الله الرحمن الرحيم ابدأ اول كلامي ... واصلي واسلم على اشرف الانبياء والمرسلين سيدنا محمد عليه افضل الصلاه واتم التسليم ...

اولا احب اعرفكم بنفسي ... شاب مصري واسمى ( احمد ) في الـ 18 من عمري ... قضيت منها كثير خارج مصر

وانتهت تلك الاقامه بأنتهاء الدراسه الثانويه عام ( 2008 ) وبدأ النظرفي الحياه الجامعيه ...
بعد انتهاء الامتحانات في الثانويه العامه بدأت بتجهيز اوراق سفري من شهادات واوراق السفر والتذاكر ... الخ
وقررت بصراحه اني التحق باحد الكليات المصريه واستقر في مصر

المهم ...حصل كل حاجه وكلاه تمام التمام ... وسافرت ووصلت مصر الحمد لله
بدأت اسأل عن التنسيق والمعادله للدرجات وكان الكلام ده في اول شهر ( 7 ميلادي او في اواخر شهر 6 تقريبا )
يعني بالمختصر المفيد اثناء امتحانات الثانويه العامه المصريه ... طبعا قالولي استنى لما النتيجه تبان ويخلصو امتحانات والكلام الكتير ده ...

استنيت اسبوع ... اثنين ... ثلاثه ... شهر ... المهم قالو التنسيقات ظهرت . اللي هيا مرحله اولى يعني
قلت الحمد لله ... رحت مكتب التنسيق في القاهره ... قالولي الي وافدين من برا مصر ليهم تنسيق خاص
طيب امته ياجماعه ... قالو تقريبا مع المرحله الـ (3 ) واللي هيا اخر مرحله في التنسيق
طبعا اعصابي خربانه ... وعلى اخرها مهموم وقلقان ومتوتر آآآآآآآآخر حاجه
لاكن سلمت امري لله وقلت يارب .
طبعا انا قلت استغل الفرصه واحاول اقدم في اي كليه وا اكادميه خاصه لحد مالتنسيق يظهر
وطبعا بعد بحث وسؤال مملين ... توصلت لعده جامعات ... حاولت الالتحاق بأحدها لاكن الكل اعترض وطلب انها تكون عن طريق مكتب التنسيق .
طبعا انا اعصابي باظت اكتر ... وقلت يلا مش فارقه
وفي اثناء بحثي ... قبلت بأحد الكليات الخاصه ( بدون ذكر اسماء ) وقالولي خلص الاجرائات وكده وبدون الرجوع لمكتب التنسيق

انا قلت اشطه اوي ... عسلات مربات حلويات .. اسمه انجزنا حاجه
وتاني يوم الصبح صحيت من النوم ... فطرت وروشت وظبتط نفسي ولقيت التلفون بيرن رديت.
وسمعت : صباح الخير يابوحميد
رديت : صباح زي العسل ياعسل
سمعت : بقولك يابوحميد ... فيه اكادميه اسمها مودرن في المعادي
قلتله : ايه نظامها
رد وقالي : تمام وليها سمعه تمام وليا صحابي هناك
قلتله : عسل عسل يلا بينا يلا يامان
عدا عليا بالعربيه وانا خدت اوراقي وظبطت
نزلنا شؤون الطلبه وسحبت الابلكيشن ( طبعا قلت تمام اوي اهو حاجه في الايد ولا 48 في التنسيق )
بعد ما عبيت الابلكيشن وجاي بقدمه ... الموظفه قالتلي ... بس لازم يكون انت مرشح من مكتب التنسيق
احنا هنقبل الابلكيشن دلوقتي ونديك كارنيه ترشيح لعندنا ولما يرشحك مكتب التنسيق تعال ومعاك الكارنيه ده

قلت ييييييييه يادي التنسيق وسنينه الملونه ...
طبعا الكلام ده كله وامتحانات الثانويه المصريه شغاله ...

قلت استنا وامري لله .
بعدها بـ ( 3 ) ايام قلت لازم اقضي صيفي بالطول ولا بالعرض مش معقول اضيعه كده
اتفقت انا والشله ايه يا جماعه على فين ؟
ايه رأيكو في اسكندريه ؟ قالو آمين معاك
طلعنا روشنا وعشنا ايام تمام التمام وقضيناها بالطول والعرض ومن هنا لهنا
خلصنا ورجعنا كل واحد لبيته وانا رجعت لهم التنسيق والتوتر والضغظ النفسي تاني
بعد الكلام ده بحوالي 3 اسابيع
لقيت اللي بيصحيني من النوم وبيقول : مبرووووووووك الف مبروك
قلت خير خير خير
قالو التنسيق ظهر ... قلت اشطه بالموز
نطيت من ع السرير ... شغلت الكمبيوتر ... دخلت السايت ولقيت ( تم ترشيحكه الى مودرن اكادمي .. الاكادميه الحديثه للهندسه والتكنلوجيا بالمعادي ))
قلت الله الله تمااااااااااااام الحمد لله كده تمام اوي
ايه بقا الحوار لسا ما ماتش على كده ...

عاوز انزل مودرن هندسه ... اتبهدلت على ماوصلت ههههههه

عاوز انزل مودرن هندسه ... اتبهدلت على ماوصلت ههههههه .

طبعا من ساعت مارحت مليت الابلكيشن في شؤون الطلبه ... سلموني كارنيه ترشيح للاكادميه عشان لو حصل نصيب والتنسيق رشحني ليها
سحبت الكارنيه وخدت ورقت الترشيح وكنت ساعتها في ( الزقازيق عن قرايب ليا )
وطيران على كايرو ( لقيت نفسي عند مودرين بالظبط )
نزلت ودخلت صباح الخير
صباح النور
حضرتك انا اترشحت للاكادميه ايه المطلوب مني ؟
ردت الموظفه وقالت : بطاقه الترشيح + وصل مكتب التنسيق اي مايثبت انك تقدمت لمكتب التنسيق بالفعل + اصول الشهادات
انا كان معايا كل ده ماعدا وصل مكتب التنسيق !!!
قلت ياااااااااه هوا انا لسا هرجع اجيب الورق
وعشان حظي الملون كان ورقي كله في الزقازيق
قلت يلا مافيش غير بكره بقا ... خلعت وطيران ع الزقازيق تاني
تاني يوم رحت وخلصت المطلوب وكله تمام التمام
والحوار لسا ليه باقي
كمله معايا .....













طبعا كليه الهندسه مش في المعادي وده انا كنت عارفه من الاول ... هي في منطقه تسمى ( القطاميه )
المهم قلت عاوز انزل اشوف ايه النظام .. جداول كتب ومش عارف ايه والحوارات دي
في اليوم ده كنت مطبق وحالتي صعبه اوي
قلت انزل الصبح اشوف النظام ايه ؟
نزلت ... وقلت اقضيها مواصلات واشوف الوضع ايه
وطبعا عشان انا عايش برا مصر مش عارف النظام ايه
ولا عارف هم المواصلات وتعبها
المهم كنت بخلص حوار كده في مدينه 6 اكتوبر
خدت مواصلات من هناك وسألت ... واتبهدلت ... وطلعت عنيا من قلت النوم + الصيام والحر
على ماوصلت القطاميه كانت الساعه 11:30
وانا خلاص بجيب اخر من التعب والعطش والحر
المهم وصلت عند ( كارفور ) وقلت للسواق لو سمحت عند مودرن قالي حاضر
نزلت عند مودرن ( انا في هندسه ومودرن اللي عند كارفور نظم ومعلومات )
هههههههههههههههههههههههههههه هنا بقا كميه الضحك والبهدله
المهم دخلت وكان معايا صاحبي وع البوابه لقيت صوت وانا داخل ... لو سمحتو ياكباتن
قلت آه مش طالبه سكيورتي دلوقتي خالص
المهم قالي : الكارنيهات لو سمحتو ياكباتن ...
انا قلتله اتفضل الكارنيه قالي تمام
وصاحبي مش معاه كارنيه ... قاله مش هتقدر تدخل
انا قلتله بعد اذنك هناخد الجدول ونخرج ع طول مش هنطول قال لا لا لا
ثبته بكلمتين من هنا لهنا وقالي اوكي اتفضلو
دخلت وسألت ع الجدول ... قالولي في المكتبه
خدت الجدول بقا ومابصتش فيه خالص بحسن نيه يعني
خرجت وقلت تمام نبقى نشوف حوار الكتب يوم تاني عشان النوم جاب آخره معايا
المهم وانا خارج قلت ابص في الجدول عشان نشوف اللي لينا واللي علينا
واتفاجئ انه مكتوب كليه نظم ومعلومات
ههههههههههههههههههههههههههههههههههههههههههههههههههههه
طبعا الدنيا لونت قدامي وبعد التعب والبهدله والحر ده كله ادخل نظم وانا هندسه !!!
المهم سألت السكيورتي ع كليه الهندسه ...
قالي ابقا اركب الباص بتاع مودرن وقوله ينزلك عند هندسه
قولتله اوكيك الف شكر
جه الباص ... ركب وانطلق السواق ...
ومن اللتعب بقا والارهاق ... نسيت اقول السواق ينزلني عند هندسه او في اقرب مكان منها يعني
طبعا هوا رسمي راح لفرع المعادي
طبعا انا نزلت من الباص لقيت نفسي عند شؤون الطلبه تاني !!

قلت هيا خربانه خلينا نعميها
والله منا رايح ولا مدور ......
هههههههههههههههههههههه طبعا كميه تنشنه وزهق غير طبيعيين احتلو اعصابي
وخدت نفسي وركبت مترو ورحت بيتنا وقلت يوم تاني بيقا ابقا انزل الكليه وهيا ونصيبها
ومات الحوار ( يومين )
كمل معايا باقي الحوار .....

تابعو اول يوم في الكليه ...

اول يوم حضور في مودرن !! .

اول يوم حضور في مودرن !!

طبعا كان يوم غير طبيعي ... ومتشقلب بالنسبالي
طبعا كالعاد انا مطبق لان نظام نومي بايظ ومتشقلب فوق وتحت وصيام والجو حر قلت انزل اشوف النظام
كتب على جداول وايه نظام الكليه وكده
وطيران ع مودرن دخلت ووقفت قدام كشوف الاسماء ادور على اسمي

المهم كان حوالي 12 الى 20 ورقه كلها اسامي
انا خدتها من اليمين للشمال اني الاقي اسمي ...... ابدا !!
هههههههههههه طبعا عنيا ملونه ودماغي شغاله وش وحالتي صعبه من قله النوم والجوع
عنيا رايحه جايه ع الكشوفات مش لاقيها
المهم كان في جمبي شابين كده قلتلهم بأبتسامه خفيفه كده : اللي مش لاقي اسمه يعمل ايه ؟
ردو بأبتسامه انت اسمك ايه ؟
قلتلهم : فلان
رد واحد منهم وقالي : اهو يانجم ... انا طبعا مت على نفسي من الضحك
لان اسمي كان تاني كشف ع اليمين عامودي
وانا عديت عليه ييجي 60 مره وماخدتش بالي
قلتلهم الف شكر ياكباتن تأمرو بأي حاجه
ردو : سلامتك
رديت : اوكي سلام ياكباتن والف شكر
طبعا كان يوم بالنسبا ليه كبيس ومتعب موت
المهم سألت ع المكتبه عشان اخد الجدول ورحت خدت الجدول وببص فيه القالك كميمياء على فيزياء
على ورش ورسم هندسي وحجات كتير مكعبله كده
قلت ماعلينا ... اسأل انا على الكتب بقا
حطيت ايدي في جيبي وفتحت المحفظه ولقيت كاشاتي واقعه في الارض ... كان معايا حوالي 300 جنيه
قلت اشطه ضمنا الكتب مش لينا النهارده
المهم طلعت سألت ايه النظام وبيستلمو الكتب فين
طلعت الدور التاني ... صباح الخير في صباح النور ايه النظام
رد واحد وقالي ده الكتب حوالي 600 وشويه والادوات حوالي 200 وشويه تقريبا
قلت اه ماهو يوم باين من اوله وزي ماقلت الكتب مش ليا النهارده
خليها يوم تاني بقا
ورحت واخد بعضي وطيران ع البيت وقلت اجهز فلوس وكده عشان اخد الكتب تاني يوم
رحت البيت وجهزت فلوسي وكل حاجه وبعدها بشويه افتكرت ان فيه اجازه عيد
قلت آآآه ماهيا ناقصه
خليها بعد العيد بقا
ومات الحوار على كده

وتابعوني ديما في تدوينات جديده ......

عمرو دياب في "مودرن أكاديمي

 عمرو دياب في "مودرن أكاديمي"
الجمعة، 24 نوٍِفمبر 2006 - 13:41
بقلم: ياسمين السماحي

عمرو دياب

تجرى حالياً مفاوضات مع المطرب الكبير عمرو دياب لإحياء حفل غنائي جديد في مقر جامعة "مودرن أكاديمي" بالمعادي.

وقال وليد منصور صاحب شركة "الموهوب – وليد منصور" المنظمة للحفل في تصريح خاص لموقع FilFan.com : "طلبت مني إدراة جامعة مودرن أكاديمي تنظيم حفل غنائي جديد يحييه النجم الكبير عمرو دياب في مقرها بالمعادي".

وتابع منصور قائلاً : "تجرى حالياً مفاوضات مع دياب لكي يتم الاتفاق معه على الحفل المقرر إقامته في منتصف شهر أبريل من العام القادم".

يذكر أن آخر ألبومات دياب مع شركة "روتانا" سيطرح يوم 31 من شهر ديسمبر المقبل ، وسيحمل اسم "خليك معايا".